ആലപ്പുഴ: ആയോധന കലയായ കരാത്തെയില് വിസ്മയം സൃഷ്ടിച്ച് ഗിന്നസ് ബുക്കിലേക്ക് രംഗപ്രവേശം ചെയ്യാനൊരുങ്ങുകയാണ് അമ്പലപ്പുഴ വണ്ടാനം സുനില് നിവാസില് സുനീര്- സബിത ദമ്പതികളുടെ മൂത്തമകന് അദീപ് മുഹമ്മദ. ഇതിനുള്ള പ്രാരംഭ നടപടികള് തുടങ്ങിക്കഴിഞ്ഞു. ഇതിനു മുന്നോടിയായി കഴിഞ്ഞ ദിവസം ആലപ്പുഴ ഐശ്വര്യ ഓഡിറ്റോറിയത്തില് നടന്ന പ്രത്യേകചടങ്ങില് അദീപ് മുഹമ്മദിനു സഹകരണ മന്ത്രി ജി സുധാകരന് ബ്ളാക്ക് ബെല്റ്റ് നല്കി. ഇതോടെ ബ്ളാക്ക് ബെല്റ്റു നേടുന്ന ലോകത്തിലെ ഏറ്റവും പ്രായംകുറഞ്ഞ വ്യക്തി എന്ന സ്ഥാനം അഞ്ചുവയസുകാരനെ തേടിയെത്തി. 1998 ആറാം വയസില് ബ്ളാക്കു ബെല്റ്റ് കരസ്ഥമാക്കിയ നിര്മല് സെബാസ്റ്റ്യണ്റ്റെ ലോക റിക്കാര്ഡാണ് യു.കെ.ജി വിദ്യര്ഥിയായ അദീപ് തണ്റ്റെ മാസ്മരിക പ്രകടനത്തിലൂടെ ഭേദിക്കുക. തണ്റ്റെ രണ്ടാമത്തെ വയസിലാണ് കോ-ഇന്-ചി അക്കാദമിയുടെ പുറക്കാട് ശാഖയില് അദീപ് കരാത്തെ പരിശീലനത്തിന് എത്തുന്നത്. അസാമാന്യ മെയ്വഴക്കവും ഓര്മശക്തിയും, കൃത്യതയാര്ന്ന വേഗതയും കുട്ടിയില് കണ്ടെത്തിയ അക്കാദമി ഡയറക്ടര് വി ഇസഡ് സെബാസ്റ്റ്യന് മൂന്നുവര്ഷമായി തണ്റ്റെ നേരിട്ടുള്ള പഠനത്തിനും പരിശീലനത്തിനും അദീപിനെ പ്രാപ്തനാക്കുകയായിരുന്നു. ഒരു മുതിര്ന്ന താരത്തിനാവശ്യമായ പരിശീലനമാണ് അദീപിനു നല്കിയത്. പുഷ് അപ്, ടൈത്സ് ബ്രേക്കിങ്ങ് എന്നീ പ്രധാന ഇനങ്ങളാണ് ഗിന്നസ് ബുക്ക് റിക്കാര്ഡിനായി അവതരിപ്പിക്കുക.
2 comments:
അഭിനന്ദനാങ്ങള്
ഇത്ര കഴിവുള്ള ഒരു കുട്ടി എന്റെ വീടിന്റെ അടുത്തുണ്ടെന്നത് ഞാന് ഇതു വരെ അറിഞ്ഞില്ലല്ലോ...
പയ്യന്സിന് അഭിനന്ദനങ്ങള്
ഒപ്പം അവനെ പരിചയപ്പെടുത്തിയ സമദിനും...
Post a Comment