ആലപ്പുഴ: സംസ്ഥാനത്ത് ടൂറിസം സൂസണ് ആരംഭിച്ചതോടെ കേരളത്തിണ്റ്റെ പ്രധാന കായല് വിനോദ സഞ്ചാരമേഖലയായ ആലപ്പുഴയിലേക്ക് ടൂറിസ്റ്റുകളുടെ പ്രവാഹം തുടങ്ങി. ചിക്കുന്ഗുനിയയും കാലവര്ഷക്കെടുതിയും സൃഷ്ടിച്ച ആഘാതത്തില്നിന്നു വിമുക്തമാകാന് പുതിയ സഞ്ചാരികളുടെ വരവോടെ ടൂറിസം മേഖലക്ക് സാധിക്കുമെന്നാണ് പ്രതീക്ഷ. കഴിഞ്ഞ വര്ഷം ജില്ലയില് താണ്ഡവമാടിയ ചിക്കുന്ഗുനിയ ടൂറിസത്തെ പ്രതീകൂലമായി ബാധിച്ചിരുന്നു. ചിക്കുന്ഗുനിയബാധ അന്തര്ദേശീയ രംഗത്തു ചര്ച്ചാവിഷയമായതോടെ മാസങ്ങള്ക്കുമുമ്പ് ബൂക്കുചെയ്ത രജിസ്ട്രേഷനുകള് മിക്കതും സഞ്ചാരികള് റദ്ദാക്കാന് നിര്ബന്ധിതരാവുകയായിരുന്നു. ഇക്കാരണത്താലാണ് പോയവര്ഷം ടൂറിസം മേഖലയ്ക്കു കനത്ത പ്രഹരമാണുണ്ടായത്. ഈ വര്ഷം കാലവര്ഷം നീണ്ടുനിന്നതും റോഡുകളുടെ ശോച്യാവസ്ഥയും വിനോദസഞ്ചാരികളെ ആദ്യമൊന്നു അകറ്റിനിര്ത്തിയെങ്കിലും നവംബര് മധ്യത്തോടെ വരവ് സജീവമായി. അമേരിക്ക, ഫ്രാന്സ്, ഓസ്ട്രേലിയ തുടങ്ങിയ വിദേശരാജ്യങ്ങളില് നിന്നുള്ള വിനോദ സഞ്ചാരികളാണ് അധികവും ആലപ്പുഴ സന്ദര്ശിക്കുന്നത്. വേമ്പനാട്ടു കായലിണ്റ്റെ സൌന്ദര്യവും കുട്ടനാടന് ഗ്രാമഭംഗിയുമാണ് ടൂറിസ്റ്റുകളെ ആകര്ഷിക്കുന്നതില് മുഖ്യം. എന്നാല് തദ്ദേശ സഞ്ചാരികളുടെ എണ്ണത്തില് ഗണ്യമായ കുറവുവന്നതായി പ്രമുഖ ടൂറ് ഓപ്പറേറ്റര്മാര് സമ്മതിക്കുന്നു. കുറഞ്ഞ ചെലവില് വിദേശയാത്രക്കുള്ള സൌകര്യങ്ങള് പല കമ്പനികളും ഏര്പ്പെടുത്തുന്നതാണ് ഇതിനുകാരണം. 15000 രൂപയ്ക്കു ഹോംകോങ്ങിലേക്കുള്ള യാത്ര ഉള്പ്പെടെയുള്ള വാഗ്ദാനങ്ങളാണ് വിവിധ കമ്പനികള് നല്കുന്നത്. വിദേശരാജ്യങ്ങള് സന്ദര്ശിക്കാനുള്ള അസുലഭ അവസരമായി പലരും ഇത്തരം പാക്കേജുകളെ പ്രയോജനപ്പെടുത്തുകയാണ്. അതിനിടെ സഞ്ചാരികളെ ടൂറിസം മേഖലയിലേക്ക് ആകര്ഷിക്കാന് ആലപ്പുഴയില് ജില്ലാ ടൂറിസം പ്രമോഷന് കൌണ്സില് ചേര്ന്ന് വിവിധ പദ്ധതികള് ഇതിനകം രൂപീകരിച്ചുകഴിഞ്ഞു.
No comments:
Post a Comment